பத்திரம்-க்காக தமிழ்

இல் உள்ள முக்கிய விளக்கங்கள் : பத்திரம்1பத்திரம்2

பத்திரம்1

பெயர்ச்சொல்

  • 1

    முத்திரைத்தாளில் கிரயம், ஒப்பந்தம், பாகப்பிரிவினை, உயில் போன்றவை பதிவுசெய்யப்பட்ட ஆவணம்.

    ‘நிலத்தின் பரப்பைப் பத்திரத்தில் பார்த்துத் தெரிந்துகொண்டேன்’
    ‘வீட்டுப் பத்திரத்தை எங்கே வைத்திருக்கிறாய்?’

  • 2

    முத்திரைத்தாள்.

    ‘ஆயிரம் ரூபாய்ப் பத்திரம் இரண்டு கொடுங்கள்’

  • 3

    (முதலீடாக, சேமிப்பாக அல்லது கடனாகக் கொடுத்த) பணத்துக்கு அரசு தரும் அச்சடிக்கப்பட்ட சான்று.

    ‘ஐந்தாண்டு காலச் சிறுசேமிப்புப் பத்திரங்கள்’
    ‘கடன் பத்திரங்களின் மூலம் நிதி திரட்ட அரசு முடிவுசெய்துள்ளது’

  • 4

    அருகிவரும் வழக்கு (ஒரு விழாவில் ஒருவரைக் கௌரவிக்கும் வகையில் அளிக்கப்படும்) பாராட்டு வாசகங்கள் அடங்கிய தாள்.

    ‘விழாவில் கவிஞருக்குப் பாராட்டுப் பத்திரம் வாசித்து அளிக்கப்பட்டது’

பத்திரம்-க்காக தமிழ்

இல் உள்ள முக்கிய விளக்கங்கள் : பத்திரம்1பத்திரம்2

பத்திரம்2

பெயர்ச்சொல்

  • 1

    இழப்பு, சேதம் அல்லது ஆபத்து ஏற்படாத வகையிலான பாதுகாப்பு.

    ‘அப்பா தந்த பணத்தைப் பத்திரமாகப் பெட்டியில் வைத்துப் பூட்டினாள்’
    ‘என் கவலையெல்லாம் நீ பத்திரமாக ஊர் போய்ச் சேர வேண்டும் என்பதே’
    ‘பத்திரமான இடத்தில்தான் நகைகளை வைத்திருக்கிறேன்’

  • 2

    (இழப்பு, சேதம் அல்லது ஆபத்தைத் தடுக்கும் வகையிலான) கவனம்; ஜாக்கிரதை.

    ‘வேலையிலிருந்து திரும்பும்வரை குழந்தையைப் பாட்டி பத்திரமாகப் பார்த்துக்கொள்வாள்’
    ‘கத்தி கூராக இருக்கிறது, கை பத்திரம்’