தமிழ் பரவாயில்லை யின் அர்த்தம்

பரவாயில்லை

வினைச்சொல்

  • 1

    ‘ஒன்று தவறாகவோ ஒருவர் எதிர்பாராத வகையிலோ இருந்தாலும் அதைப் பொருட்படுத்தத் தேவையில்லை’ என்ற பொருளில் பயன்படுத்தும் சொல்.

    ‘காப்பி கீழே சிந்தி விட்டதே! பரவாயில்லை, துடைத்துவிடலாம்’

  • 2

    மோசமில்லை; தேவலை.

    ‘படிப்பில் அண்ணனைவிடத் தம்பி பரவாயில்லை’
    ‘சிகிச்சைக்குப் பிறகு உடம்பு கொஞ்சம் பரவாயில்லை’

  • 3

    குறைவாக மதிப்பிடப்பட்டவரின் செயல் எதிர்பார்த்த அளவுக்கு மோசமாக இல்லாதபோது பாராட்டும் வகையில் பயன்படுத்தும் சொல்.

    ‘நீகூட வீடு வாங்கிவிட்டாயா, பரவாயில்லையே!’
    ‘பரவாயில்லை, நீ பிழைத்துக்கொள்வாய்’