பலம்-க்காக தமிழ்

இல் உள்ள முக்கிய விளக்கங்கள் : பலம்1பலம்2

பலம்1

பெயர்ச்சொல்

  • 1

    (செயல் செய்வதற்கான, இயக்கத்திற்கான உடலின்) ஆற்றல்; சக்தி; (மன) வலிமை.

    ‘எழுந்திருக்கக்கூட பலம் இல்லாமல் படுக்கையில் கிடந்தான்’
    ‘‘உடல் பலத்திற்கு உடற்பயிற்சி இருப்பது போலத்தான் மன பலத்திற்கு தியானமும்’ என்றார்’

  • 2

    ஒருவரின் திறமை, செயல்பாடு போன்றவற்றுக்குச் சக்தி தருவதாக இருக்கும் ஒருவர் அல்லது ஒன்று.

    ‘பணம் தந்த பலம்தான் அவரை இப்படி எடுத்தெறிந்து பேச வைக்கிறது’
    ‘என் மனைவிதான் எனக்கு பலம்’

  • 3

    (-ஆக, -ஆன) (அமைப்பில், தன்மையில்) உறுதி; திடம்.

    ‘ஐந்து மாடி கட்டுவதற்கு பலமான அஸ்திவாரம் வேண்டும்’
    ‘இதைவிட பலமான கயிறு இல்லையா?’
    ‘பாதுகாப்பு பலமாக இருக்கிறது’
    உரு வழக்கு ‘எங்கள் நட்பின் பலம் பலருக்குத் தெரியாது’

  • 4

    பேச்சு வழக்கு (அளவில், கடுமையில்) அதிகம் அல்லது மிகுதி.

    ‘என்ன, சாப்பாடு பலமா?’
    ‘நெற்றியில் பலமான காயம்’
    ‘பலமான யோசனை’
    ‘காற்று பலமாக வீசியது’
    ‘கல்யாணத்தில் கவனிப்பு பலமாக இருக்கிறது’

  • 5

    (பணம், அதிகாரம் முதலியவை) மிகுதியாக உள்ள நிலை; செல்வாக்கு.

    ‘அவருக்கு ஆள் பலம் அதிகம்’
    ‘அரசியல் பலத்தினால் எதையும் செய்துவிடலாம் என்று நினைக்கிறாரா?’
    ‘பண பலத்தினால் வந்த திமிர்’

உச்சரிப்பு

பலம்

/(b-)/

பலம்-க்காக தமிழ்

இல் உள்ள முக்கிய விளக்கங்கள் : பலம்1பலம்2

பலம்2

பெயர்ச்சொல்

  • 1

    (தற்போது வழக்கில் இல்லாத) நாற்பது கிராம் கொண்ட நிறுத்தலளவை.