பாடு -க்காக தமிழ்

இல் உள்ள முக்கிய விளக்கங்கள் : பாடு1பாடு2

பாடு1

வினைச்சொல்

  • 1

    (பாடலை) இசையோடு குரல்மூலம் வெளிப்படுத்துதல்.

    ‘அந்தப் பாட்டை இன்னொரு முறை பாடு’
    ‘குழந்தையைத் தாலாட்டுப் பாடித் தூங்கவைத்தாள்’
    ‘(உரு. வ.) தலைவரின் புகழ் பாடும் தொண்டர்கள்’

  • 2

    (கவிதை, செய்யுள் போன்றவை) படைத்தல்; எழுதுதல்.

    ‘மன்னனின் வெற்றியைப் பாடிய புலவர்கள் பலர்’
    ‘கவி பாடும் திறமை அனைவருக்கும் கிட்டுவதில்லை’

பாடு -க்காக தமிழ்

இல் உள்ள முக்கிய விளக்கங்கள் : பாடு1பாடு2

பாடு2

பெயர்ச்சொல்

  • 1

    (குறிப்பிட்ட காரியத்திற்காக ஒருவர் மேற்கொள்ள வேண்டிய) பொறுப்பு.

    ‘உனக்கு ஒரு கடையை வைத்துக்கொடுத்துவிட்டேன். ஒழுங்காக நடத்துவது உன் பாடு’
    ‘பிரச்சினையைப் பேசித் தீர்த்துக்கொள்வது அவர்கள் பாடு’

  • 2

    (குறிப்பிட்ட சூழலில் ஒருவரின்) நிலைமை.

    ‘கணவன் மனைவி சண்டையைத் தீர்க்கப் போய் என் பாடு திண்டாட்டமாகிவிட்டது’
    ‘வேலை கிடைத்துவிட்டதா? உன் பாடு கொண்டாட்டம்தான்’
    ‘மழை வந்துவிட்டால் நடைபாதையில் வசிப்போர் பாடு கஷ்டம்!’

  • 3

    (அனுபவிக்கும்) சிரமம்; கஷ்டம்.

    ‘தண்ணீர் பிடிப்பதற்குள் நாங்கள் படும் பாடு!’

  • 4

    (சிரமமான) வாழ்க்கை.

    ‘எனக்கு யாரும் உதவ வேண்டாம். என் பாட்டை நான் பார்த்துக்கொள்கிறேன்’
    ‘என் பாட்டை நான் யாரிடம் போய்ச் சொல்ல முடியும்?’
    ‘என்னோடு ஒப்பிட்டால் உன் பாடு எவ்வளவோ தேவலை’

  • 5

    (பெயரெச்சத்தின் பின் எதிர்மறைச் சொல்லோடு வரும்போது) எதிர்பார்த்த ஒன்று நிகழாததையோ விரும்பத் தகாத நிலை தொடர்ந்து நீடிப்பதையோ தெரிவிக்கப் பயன்படுத்தும் சொல்.

    ‘மழை விட்ட பாடில்லை’
    ‘இவ்வளவு நேரமாகியும் வேலை ஆரம்பித்த பாட்டைக் காணோம்’
    ‘என் கஷ்டம் தீர்கிற பாடாக இல்லை’