தமிழ் பிள்ளையார் சுழி யின் அர்த்தம்

பிள்ளையார் சுழி

பெயர்ச்சொல்

  • 1

    எழுதத் தொடங்கும்போது தாளின் மேல்பக்கத்தில் (விநாயகரை வேண்டிக்கொள்ளும் முறையில்) முதன்முதலாக எழுதும் ‘உ’ என்ற மங்கலக் குறியீடு.

    ‘பிள்ளையார் சுழி போட்டுப் புது வருடக் கணக்கை எழுத ஆரம்பித்தார்’
    ‘பிள்ளையார் சுழியுடன் கடிதம் ஆரம்பித்திருந்தது’

  • 2

    தொடக்கம்; ஆரம்பம்.

    ‘இந்தப் பிரச்சினைகளுக்கெல்லாம் பிள்ளையார் சுழி அவர் கொடுத்த பேட்டிதான்’
    ‘இந்தப் படத்தை இயக்கியதன்மூலம் இயக்குநர் தனது திரையுலக வாழ்க்கைக்குப் பிள்ளையார் சுழி போட்டுவிட்டார்’
    ‘இந்தச் சந்திப்பின் மூலம் ஒரு வலுவான நட்புக்குப் பிள்ளையார் சுழி போட்டுள்ளோம்’