தமிழ் பெரும் யின் அர்த்தம்

பெரும்

பெயரடை

  • 1

    (வடிவம், பரப்பு, எண்ணிக்கை, காலம் போன்றவற்றில்) அதிகமான; அதிக அளவிலான; நிறைய.

    ‘நூலின் பெரும் பகுதியைப் படித்துவிட்டேன்’
    ‘படத்தின் பெரும் பகுதி நீண்ட வசனங்கள்தான்’
    ‘பெரும் நூலகம்’
    ‘சென்னையைச் சுற்றிலும் பெரும் ஏரிகள் உள்ளன’
    ‘இந்தப் படத்திற்காக ஒரு பெரும் தொகை அவருக்குச் சம்பளமாகக் கொடுக்கப்பட்டிருக்கிறது’

  • 2

    (ஒன்றின் தன்மையைக் குறித்து வரும்போது) மிகுந்த, முக்கியமான, தீவிரமான அல்லது விரிந்த அளவிலான.

    ‘தனது யதார்த்தமான நடிப்பினால் பெரும் புகழ் பெற்ற நடிகர் இவர்’
    ‘நில அதிர்வினால் சென்னையில் பெரும் பரபரப்பு ஏற்பட்டது’
    ‘பெரும் புலமை வாய்ந்தவர்’

  • 3

    (தகுதி, மதிப்பு, அந்தஸ்து போன்றவற்றில்) மேல்நிலை கொண்ட; உயர்ந்த; உயர்; சிறந்த.

    ‘பெரும் படிப்பு’
    ‘பெரும் கவிஞர்’