பொரி -க்காக தமிழ்

இல் உள்ள முக்கிய விளக்கங்கள் : பொரி1பொரி2பொரி3

பொரி1

வினைச்சொல்

  • 1

    (கொதிக்கும் எண்ணெயில் அல்லது நெய்யில் கடுகு) வெடிப்பது போன்ற ஒலியுடன் வறுபடுதல்/அப்பளம் போன்றவை எண்ணெயில் முங்கி வெந்து உண்ணும் நிலையை அடைதல்.

    ‘கடுகு பொரியும் சத்தம் கேட்கிறது’

  • 2

    (சோளம், கடலை முதலியவை) சூட்டில் வறுபடுதல்.

    ‘அவல் நன்றாகப் பொரியவில்லை’

  • 3

    (கோபம், வெறுப்பு போன்றவற்றை வெளிப்படுத்தும் விதமாக) படபடவென்று பேசுதல்.

    ‘‘என்ன தைரியம் இருந்தால் இப்படிச் செய்வாய்?’ என்று பொரிந்தார்’

பொரி -க்காக தமிழ்

இல் உள்ள முக்கிய விளக்கங்கள் : பொரி1பொரி2பொரி3

பொரி2

வினைச்சொல்

  • 1

    (கொதிக்கும் எண்ணெயில் அல்லது நெய்யில் கடுகு, அப்பளம் முதலியவற்றை) பொரியச் செய்தல்.

    ‘அப்பளம் பொரிக்கட்டுமா?’
    ‘பொரித்த கருவாடு’

  • 2

    வேகவைத்த காய்கறிகளை அல்லது பச்சைக் காய்கறிகளை அல்லது முட்டை போன்றவற்றை மசாலா சேர்த்தோ சேர்க்காமலோ எண்ணெயில் வதக்குதல்.

  • 3

    (சோளம், கடலை முதலியவற்றை) சூட்டில் வறுத்தல்.

    ‘பட்டாணியைப் பொரித்துப் போடு’

  • 4

    (பறவைகள், ஊர்ந்து செல்லும் சில வகை விலங்குகள் ஆகியவை) தேவையான சூடு உண்டாக்கி முட்டையிலிருந்து குஞ்சு வெளிவரச் செய்தல்.

பொரி -க்காக தமிழ்

இல் உள்ள முக்கிய விளக்கங்கள் : பொரி1பொரி2பொரி3

பொரி3

பெயர்ச்சொல்

  • 1

    (அரிசி, சோளம், அவல் போன்றவற்றை) சட்டியில் இட்டு வறுத்துத் தயாரிக்கப்படும், உதிரிஉதிரியாக இருக்கும் ஒரு வகைத் தின்பண்டம்.

    ‘பொரி வாங்கி வழி நெடுகத் தின்றுகொண்டே போனார்கள்’
    ‘சோளப் பொரி’
    ‘அவல் பொரி’