மண்டலம்-க்காக தமிழ்

இல் உள்ள முக்கிய விளக்கங்கள் : மண்டலம்1மண்டலம்2

மண்டலம்1

பெயர்ச்சொல்

  • 1

    (பூஜை, விரதம், சிகிச்சை முதலியவற்றில்) நாற்பதிலிருந்து நாற்பத்தைந்து நாட்கள் கொண்ட கால அளவு.

    ‘மண்டல பூஜை’
    ‘ஒரு மண்டலம் விரதம் இருக்க வேண்டும்’
    ‘இந்தச் சூரணத்தை ஒரு மண்டலம் சாப்பிட வேண்டும்’

மண்டலம்-க்காக தமிழ்

இல் உள்ள முக்கிய விளக்கங்கள் : மண்டலம்1மண்டலம்2

மண்டலம்2

பெயர்ச்சொல்

  • 1

    (ஒரு துறையின் நிர்வாக வசதிக்காகப் பிரிக்கப்பட்டிருக்கும்) பிரிவு; (குறிப்பிட்ட) பிரதேசம்.

    ‘தொலைபேசித் தொடர்புத் துறையில் தென்னிந்தியா பல மண்டலங்களாகப் பிரிக்கப்பட்டுள்ளது’
    ‘அஞ்சல் துறை ஊழியர்களின் மண்டல அளவிலான மாநாடு’

  • 2

    (பூமியிலும் பூமியைச் சுற்றியும்) இயற்கைக் கூறுகளின் அடிப்படையில் பிரிக்கப்படும் பகுதி; -.

    ‘காற்று மண்டலம்’
    ‘புவியின் காந்த மண்டலம்’
    ‘வெப்ப மண்டலம்’
    ‘மித வெப்ப மண்டலம்’
    ‘குளிர் மண்டலம்’
    ‘உலகின் முக்கியமான உயிரியல் மண்டலங்களில் அமேசான் காடுகளும் ஒன்று’

  • 3

    (குறிப்பிட்ட செயல்பாட்டை நிகழ்த்தும்) உடல் உறுப்புகளின் தொகுதி; (தாவரங்களில் குறிப்பிட்ட செயல்பாட்டுக்கான) பாகங்களின் தொகுதி.

    ‘உணவு மண்டலம்’
    ‘நரம்பு மண்டலம்’
    ‘ஆணிவேர் மண்டலம்’

  • 4

    (பெரும்பாலும் பிற சொற்களோடு இணைந்து) ஒரு கிரகத்தை அல்லது நட்சத்திரத்தைச் சுற்றியிருக்கும் வெளி; நட்சத்திரங்கள் பரந்திருக்கும் வெளி.

    ‘சந்திர மண்டலம்’
    ‘சூரிய மண்டலம்’
    ‘நட்சத்திர மண்டலம்’

  • 5

    (புகை) படலம்.

    ‘சமையல் அறை ஒரே புகை மண்டலமாகக் காட்சியளித்தது’

  • 6

    சோதிடம்
    (ராசிகளைப் பிரிப்பதற்கு அடிப்படையாகக் கொள்ளும்) வானவெளியில் கிழக்கு மேற்காக உள்ள நீள்வட்ட வெளி.

    ‘ராசி மண்டலம் பன்னிரண்டு பிரிவுகளாகப் பிரிக்கப்பட்டிருக்கிறது’
    ‘ராசி மண்டலத்தில் முதல் ராசி மேஷம்’