மணி-க்காக தமிழ்

இல் உள்ள முக்கிய விளக்கங்கள் : மணி1மணி2

மணி1

பெயர்ச்சொல்

  • 1

    (பெரும்பாலும்) வெண்கலத்தால் செய்த, கவிழ்த்த கிண்ணம் போன்ற பகுதியின் நடுவில் தொங்கும் நாக்கால் அடிக்கப்பட்டு ஒலி எழுப்பும் சாதனம்.

    ‘கோயில் மணியோசை தெளிவாகக் கேட்டது’

  • 2

    (ஒருவரின் வருகையைத் தெரிவிக்கும் விதத்தில்) விசையை அழுத்தினால் வீட்டினுள் ஒலி எழுப்பும் சாதனம்.

    ‘கதவைத் திறக்க யாரும் வராததால் மீண்டும் ஒரு முறை மணியை அழுத்தினார்’
    ‘குழந்தை விடாமல் மணியை அடித்துக்கொண்டிருந்தது’

  • 3

    (குறிப்பிட்ட நேரத்தில் குறிப்பிட்ட காரியம் நடக்கும் என்பதைக் காட்ட) கையால் அடித்து அல்லது மின்சக்தியைக் கொண்டு இயக்கப்படும் சாதனம்.

    ‘பள்ளி மணி அடித்ததும் குழந்தைகள் வேகமாக வெளியே ஓடி வந்தனர்’
    ‘பார்வையாளர்களுக்கான நேரம் முடிவடைந்ததைக் காட்டும் விதத்தில் மருத்துவமனையில் மணி அடித்தது’

  • 4

    அறுபது நிமிடம் கொண்ட கால அளவு.

    ‘அரை மணியில் இந்த வேலை முடிந்துவிடும்’

  • 5

    மேற்குறிப்பிட்ட கால அளவின் அடிப்படையில் ஒரு நாளைக் கணக்கிட்டுப் பிரித்திருக்கும் பிரிவு; நேரம்.

    ‘மணி என்ன ஆகிறது?’

  • 6

    இலங்கைத் தமிழ் வழக்கு சில ஆடுகளின் கழுத்தில் தொங்கும் சிறிய தசைப் பகுதி.

மணி-க்காக தமிழ்

இல் உள்ள முக்கிய விளக்கங்கள் : மணி1மணி2

மணி2

பெயர்ச்சொல்

  • 1

    (ஆபரணம் முதலியவற்றில் பதிக்கும்) விலை உயர்ந்த கற்களைக் குறிக்கும் பொதுப்பெயர்; (குறிப்பாக) நீலம்.

    ‘மணிகள் பதித்த கிரீடம்’
    ‘இறைவனை ஒப்பிலா மணி என்றார்’
    ‘மணி போன்ற கண்கள்’

  • 2

    (மாலையாகக் கோக்கப் பயன்படும்) துளை கொண்ட சிறிய உருண்டை வடிவப் பொருள்.

    ‘மணி மாலை உன் கழுத்துக்கு அழகாக இருக்கிறது’
    ‘கடைக்குப் போனால் கறுப்பு மணி கொஞ்சம் வாங்கிக்கொண்டு வா’

  • 3

    (நெற்பயிர் முதலியவற்றின்) கதிரில் உள்ள தானியம்.

    ‘வழியில் சிதறிக்கிடந்த நெல் மணிகளைக் கோழிகள் கொத்தித் தின்றுகொண்டிருந்தன’

  • 4

    ஒன்றின் வடிவத்தைக் குறிப்பிடும்போது) (உருண்டை) வடிவில் அழகானது.

    ‘என் மகளின் கையெழுத்து மணிமணியாக இருக்கும்’
    ‘மணிமணியான கையெழுத்து!’

  • 5

    நேர்த்தி; சிறப்பு.

    ‘மணிப் பயல்’
    ‘மணியான குழந்தைகள்’
    ‘பேச்சு மணியாக இருந்தது’