தமிழ் மயங்கு யின் அர்த்தம்

மயங்கு

வினைச்சொல்

  • 1

    கவர்ச்சிக்கு உள்ளாகிக் கட்டுப்படுதல்; தன்வசம் இழத்தல்.

    ‘அவருடைய வார்த்தை ஜாலங்களில் மயங்கி மோசம்போனான்’
    ‘அவருடைய ஆடம்பரத்தைக் கண்டு மயங்கிவிடாதே!’

  • 2

    தன்னை மறத்தல்.

    ‘இயற்கைக் காட்சிகளைக் கண்டு மயங்கி நின்றான்’

  • 3

    சுயநினைவு இழத்தல்.

    ‘குடித்துவிட்டு மயங்கிக் கிடக்கிறார்’
    ‘கடும் வெயிலால் மயங்கி விழுந்தான்’

  • 4

    உயர் வழக்கு (பகல் பொழுது குறைந்து) இருள் பரவுதல்.

    ‘பொழுது மயங்கத் தொடங்கியது’

  • 5

    மனம் குழம்புதல்.

    ‘உண்மைக்கும் பொய்க்கும் வேறுபாடு தெரியாமல் மயங்காதே!’