தமிழ் முடங்கு யின் அர்த்தம்

முடங்கு

வினைச்சொல்

  • 1

    (படுத்திருக்கும்போது) கை, கால்களை உடம்புடன் சேர்த்துக்கொண்டிருத்தல்.

    ‘திண்ணையில் தாத்தா குளிரால் முடங்கிக்கிடந்தார்’
    ‘உடல் முழுதும் போர்த்திக்கொண்டு சுருண்டு முடங்கிப் படுத்திருக்கும் மகனை வாஞ்சையுடன் பார்த்தார்’

  • 2

    செயல், திட்டம் போன்றவை தடைப்படுதல்.

    ‘மருத்துவர்களின் வேலைநிறுத்தத்தால் மருத்துவமனைப் பணிகள் முடங்கிவிட்டன’

  • 3

    ஒன்றில் முதலீடுசெய்யப்பட்ட பணம் பலனளிக்காமலும் திரும்பப் பெற்றுக்கொள்ள முடியாமலும் இருத்தல்.

    ‘பணம் முழுவதும் புத்தகம் போட்டதில் முடங்கிவிட்டது’

  • 4

    (ஒருவரின்) நடவடிக்கைகள் குறிப்பிட்ட இடத்துக்குள் இருக்கும் வகையில் ஒடுங்குதல்.

    ‘அப்பா நோயாளியாக வீட்டுக்குள் முடங்கிவிட்டார்’
    ‘பட்டப் படிப்புப் படித்தவள் இன்று சமையல் அறையில் முடங்கிவிட்டாள்’

  • 5

    (கை, கால்) ஊனமாதல் அல்லது செயல் இழத்தல்.

    ‘அவருக்கு அந்த விபத்துக்குப் பின் கால் முடங்கி விட்டது’