முறி-க்காக தமிழ்

இல் உள்ள முக்கிய விளக்கங்கள் : முறி1முறி2முறி3முறி4முறி5

முறி1

வினைச்சொல்

  • 1

    (மரம், குச்சி, எலும்பு முதலியவை விசையின் காரணமாக) ஒடிதல்; துண்டாதல்.

    ‘புயலில் மரம் முறிந்து சாய்ந்தது’
    ‘விபத்தில் கை எலும்பு முறிந்துவிட்டது’

  • 2

    (பேச்சுவார்த்தை, உறவு போன்றவை) மேற்கொண்டு தொடர முடியாத நிலையை அடைதல்.

    ‘தீவிரவாதிகளுடன் அரசு நடத்திய பேச்சுவார்த்தை முறிந்துவிட்டது’
    ‘அவர்கள் இடையே இருந்த நல்லுறவு முறியக் காரணம் என்ன?’

முறி-க்காக தமிழ்

இல் உள்ள முக்கிய விளக்கங்கள் : முறி1முறி2முறி3முறி4முறி5

முறி2

வினைச்சொல்

  • 1

    (பால், பாகு போன்றவை) தன்மை மாறுதல்; பதம் கெடுதல்.

    ‘ஒரு சொட்டு எலுமிச்சம் சாறு விட்டால் பால் முறிந்துபோகும்’
    ‘பாகு காய்ச்சும்போது முறிந்துவிடாதவாறு பார்த்துக் கொள்வது முக்கியம்’

  • 2

    (சளி, விஷம் போன்றவற்றின் பாதிப்பு) நீங்குதல்.

    ‘‘விஷம் முறிந்துவிட்டதால் இனி பயப்படத் தேவையில்லை’ என்று வைத்தியர் கூறினார்’
    ‘மருந்துகளின் வீரியத்தைச் சிறுகீரை முறியச் செய்துவிடுமாம்’

  • 3

    இலங்கைத் தமிழ் வழக்கு (போதை) தெளிதல்.

    ‘மனுஷன் ராத்திரி போட்டதே இன்னும் முறியவில்லையோ என்று யோசித்தாள்’

முறி-க்காக தமிழ்

இல் உள்ள முக்கிய விளக்கங்கள் : முறி1முறி2முறி3முறி4முறி5

முறி3

வினைச்சொல்

  • 1

    (நீண்ட உறுதியான பொருளை) துண்டாக்குதல்; ஒடித்தல்.

    ‘சவுக்குக் கட்டையை முறித்து அடுப்பில் வை’
    ‘கட்டையால் அடித்துக் காலை முறித்துவிட்டான்’
    ‘‘கையை முறித்துவிடுவேன்’ என்று பயமுறுத்தினான்’

  • 2

    (பேச்சு வார்த்தை, உறவு முதலியவற்றை) துண்டித்தல்; நிறுத்துதல்; முடித்துக்கொள்ளுதல்.

    ‘போராளிகள் அரசுடன் நடத்திவந்த பேச்சுவார்த்தையை முறித்துக்கொண்டுள்ளனர்’
    ‘அந்த நிறுவனம் எங்களோடு கொண்டிருந்த உறவை முறித்துக்கொண்டது’

முறி-க்காக தமிழ்

இல் உள்ள முக்கிய விளக்கங்கள் : முறி1முறி2முறி3முறி4முறி5

முறி4

வினைச்சொல்

  • 1

    (விஷம், சளி போன்றவற்றின் பாதிப்பை) நீக்குதல்.

    ‘இந்த மருந்து விஷத்தை முறிக்கும்’
    ‘பனங்கற்கண்டு சளியை முறிக்கும் என்பார்கள்’
    ‘பாம்பு விஷத்தை முறிப்பதற்கான மருந்தைப் பாம்பின் விஷத்திலிருந்தே எடுக்கிறார்கள்’

  • 2

    வட்டார வழக்கு (சில்லறை) மாற்றுதல்.

    ‘ஐந்து ரூபாய்க்குச் சில்லறை முறித்துக்கொண்டு வா!’

முறி-க்காக தமிழ்

இல் உள்ள முக்கிய விளக்கங்கள் : முறி1முறி2முறி3முறி4முறி5

முறி5

பெயர்ச்சொல்

இலங்கைத் தமிழ் வழக்கு
  • 1

    இலங்கைத் தமிழ் வழக்கு (மீனை) துண்டாக வெட்டிய பகுதி; துண்டு.

    ‘தலை முறியைப் போட்டுச் சொதி வைத்துவிட்டு, வால் முறியைப் பொரித்துவிடு’
    ‘நடு முறியைக் குழம்பு வை’