தமிழ் முள் யின் அர்த்தம்

முள்

பெயர்ச்சொல்

  • 1

    (தாவரத்தின் தண்டு, இலை, கிளை முதலிய பகுதிகளில்) மெல்லியதாகக் கூரான முனையுடன் சற்று நீட்டிக்கொண்டிருக்கும் பகுதி.

    ‘காலில் முள் குத்திவிட்டது.’

  • 2

    மேலே குறிப்பிடப்பட்ட முட்களைக் கொண்ட தாவரங்களைக் குறிப்பிடும் பொதுச் சொல்.

    ‘முள்செடி’
    ‘முள்புதர்’
    ‘வேலி கட்ட முள் வெட்டிக்கொண்டு வா’

  • 3

    (முள்ளம்பன்றி, முள்ளெலி போன்ற உயிரினங்களில்) கூர்மையாகவும் விறைப்பாகவும் கம்பிபோலவும் இருக்கும் தசை.

    ‘முட்களைச் சிலிர்த்துக் கொண்டு ஒரு முள்ளம்பன்றி புதருக்குப் பின்னால் நின்றுகொண்டிருந்தது’

  • 4

    (கடிகாரத்தில் மணியையும் தராசில் எடையையும் சில வகைக் கருவிகளில் அளவையும் காட்ட) மெல்லியதாகவும் நீளமாகவும் இருக்கும் உலோகத்தால் ஆன பாகம்.

    ‘பெரிய முள் எட்டு மணியைக் காட்டியது’
    ‘தராசில் முள் துல்லியமாக நின்றது’

  • 5

    (மீனின்) எலும்பு.

    ‘மீன் முள் தொண்டையில் சிக்கிக்கொண்டுவிட்டது’

  • 6

    தூண்டில் முனையில் இணைக்கப்படும் சிறிய கொக்கி.

    ‘அவன் மீன் பிடிப்பதற்காக முள்ளில் புழுவைச் செருகினான்’