தமிழ் மென்மை யின் அர்த்தம்

மென்மை

பெயர்ச்சொல்

  • 1

    தொடுவதற்குப் பஞ்சுபோல இருக்கும் தன்மை; மிருது.

    ‘குழந்தைக்கு ரோஜா இதழ் போன்ற மென்மையான உதடு’
    ‘மேனியின் மென்மை’

  • 2

    (தொடுவதில்) மெதுவான முறை.

    ‘தூங்கும் குழந்தையின் தலையை மென்மையாகத் தடவிக்கொண்டிருந்தாள்’

  • 3

    அதிகச் சத்தம் இல்லாத தன்மை.

    ‘மென்மையான இசை’
    ‘‘நான் உங்களுக்கு உதவலாமா?’ என்று மென்மையாகக் கேட்டாள்’

  • 4

    கடுமையான செயலால் எளிதில் பாதிக்கப்படும் தன்மை.

    ‘அவரது மென்மையான மனம் புண்படும்படியாக ஏதாவது கூறியிருப்பாய்’

  • 5

    (உணர்வுகளைக் குறித்து வரும்போது) கடுமையாக இல்லாமல் மனத்துக்கு இதமாகவும் மகிழ்ச்சியளிக்கக்கூடியதாகவும் இருப்பது.

    ‘கதாநாயகி தன் காதலை ஒரு பார்வைமூலம் மிகவும் மென்மையாக வெளிப்படுத்துகிறாள்’
    ‘வண்ணதாசனின் பெரும்பான்மையான கதைகள் அன்பு, காதல் போன்ற மென்மையான உணர்வுகளை மையமாகக் கொண்டவையாகும்’