தமிழ் வகுப்பு யின் அர்த்தம்

வகுப்பு

பெயர்ச்சொல்

  • 1

    (பள்ளிக் கல்வியில் மாணவர்கள் படித்துக் கடந்து வர வேண்டியதாக அமைக்கப்பட்டிருக்கும்) படிப்படியான பல பிரிவுகளுள் ஒன்று.

    ‘நீ எந்த வகுப்புப் படிக்கிறாய்?’
    ‘ஐந்தாம் வகுப்புக்கு இவ்வளவு பாடங்களா!’

  • 2

    (கல்வி நிறுவனங்களில்) ஒரு பாடத்தைக் கற்றுத்தர அட்டவணைப்படி பிரிக்கப்பட்ட கால அளவு.

    ‘நாற்பத்தைந்து நிமிட நேர வகுப்பு’
    ‘தமிழ் வகுப்பு முடிந்ததும் ஆங்கில வகுப்பு தொடங்கும்’

  • 3

    (பெரும்பாலும் கலை, தொழில்நுட்பம் போன்றவற்றில்) முழுநேரப் பயிற்சியாக இல்லாமல் சில மணி நேரம் மட்டுமே அளிக்கப்படும் பயிற்சி.

    ‘தையல் வகுப்புக்குச் சாயங்காலம் போக வேண்டும்’
    ‘சமையல் வகுப்பு’
    ‘ஓவிய வகுப்பு’

  • 4

    (பரீட்சை, தேர்ச்சி முதலியவற்றில்) தர அடிப்படையிலும் (ரயில், விமானம் முதலியவற்றில்) கட்டணம், வசதி அடிப்படையிலும் பகுக்கப்பட்டிருக்கும் பிரிவு.

    ‘முதல் வகுப்பில் தேர்ச்சி பெற்றான்’
    ‘இரண்டாம் வகுப்பில் பயணம் செய்வது பாதுகாப்பானது’

  • 5

    (சமூகத்தில்) பொருளாதார அடிப்படையில் பிரிக்கப்படும் பிரிவு.

    ‘மத்தியதர வகுப்பைச் சார்ந்தவர்’

  • 6

    சாதி.

    ‘என் நண்பர் வேறு வகுப்பில் கல்யாணம் செய்துகொண்டார்’
    ‘வகுப்புக் கலவரம்’

  • 7

    உயிரியல்
    (உயிரின வகைப்பாட்டில்) ஒத்த வரிசைகளை உள்ளடக்கிய, தொகுதியைவிடச் சிறிய பிரிவு.

    ‘எலி, அணில், வௌவால் போன்ற பிராணிகள் பாலூட்டி வகுப்பைச் சேர்ந்தவை’