வழி-க்காக தமிழ்

இல் உள்ள முக்கிய விளக்கங்கள் : வழி1வழி2வழி3

வழி1

வினைச்சொல்

  • 1

    (அணை, ஏரி, குளம் போன்ற நீர்நிலையில் அல்லது ஒரு கொள்கலனில் நீர் போன்ற திரவம்) நிரம்பி வடிதல்; (பக்கவாட்டில்) ஒட்டி இறங்குதல்.

    ‘அணையில் நீர் வழிந்தது’
    ‘மழை அதிகமானதால் முற்றத்தில் தண்ணீர் தேங்கி வழிந்தது’
    ‘அடுப்பிலிருந்த பால் பொங்கி வழிந்தது’
    உரு வழக்கு ‘உணர்ச்சி பொங்கி வழிந்தது’

  • 2

    (வியர்வை, இரத்தம் போன்றவை உடலி லிருந்து) கொஞ்சம்கொஞ்சமாக வெளிவருதல்.

    ‘அம்மா அடுப்படியில் வியர்வை வழிய நின்றுகொண்டிருந்தாள்’
    ‘அக்கா கண்ணீர் வழிய நின்றாள்’
    ‘காயத்திலிருந்து இரத்தம் வழிவது நிற்கவில்லை’

  • 3

    பேச்சு வழக்கு (ஒருவருடைய மதிப்பு, கவனம், பிரியம் போன்றவற்றைப் பெறுவதற்காக) அசட்டுத்தனமாகக் குழைதல்.

    ‘அவளிடம் நீ ஏன் இப்படி வழிகிறாய்?’

வழி-க்காக தமிழ்

இல் உள்ள முக்கிய விளக்கங்கள் : வழி1வழி2வழி3

வழி2

வினைச்சொல்

  • 1

    (மாவு, சந்தனம் போன்றவற்றை எடுக்கையில் அவை இருக்கும்) பரப்பில் (கையை அல்லது கரண்டியை) ஒட்டி வைத்து இழுத்து எடுத்தல்.

    ‘பாத்திரத்தில் ஒட்டியிருந்த மாவைக் கையால் வழித்துத் தோசைக்கல்லில் விட்டாள்’
    ‘மஞ்சளை வழித்து முகத்தில் பூசிக்கொண்டாள்’

  • 2

    வட்டார வழக்கு (முடியை) அடியோடு எடுத்தல்; மழித்தல்.

    ‘முகம் வழித்த பின் கண்ணாடியில் பார்த்துக் கொண்டான்’

  • 3

    வட்டார வழக்கு (வேட்டியின் அல்லது புடவையின் விளிம்புகளைப் பிடித்து) மேலே இழுத்துக்கொள்ளுதல்.

    ‘ஆற்றில் இறங்கும் முன் வேட்டியை வழித்துக்கொண்டான்’

வழி-க்காக தமிழ்

இல் உள்ள முக்கிய விளக்கங்கள் : வழி1வழி2வழி3

வழி3

பெயர்ச்சொல்

  • 1

    ஒரு இடத்திலிருந்து இன்னொரு இடத்துக்குச் செல்வதற்காக இருக்கும் அல்லது அமைக்கப்பட்டிருக்கும் சாலை, வீதி போன்றவற்றைக் குறிக்கும் சொல்; பாதை.

    ‘கோயிலுக்குச் செல்லும் வழி’
    ‘திருச்சி வழியாகக் கோயம்புத்தூர் செல்லும் பேருந்து’
    ‘சுரங்கத்துக்குள் செல்வதற்கான வழி அடைபட்டுள்ளது’
    ‘அந்தக் கோட்டையில் பல ரகசிய வழிகள் இருப்பதாகப் பேசிக்கொள்கிறார்கள்’
    ‘‘வழியில் நிற்காமல் ஓரமாக நின்று பேசினால் என்ன?’ என்று ஒருவர் அவர்களைத் திட்டிவிட்டுப் போனார்’

  • 2

    (உறவுகுறித்து வருகையில்) குறிப்பிட்டவர்மூலம் ஏற்படுவது.

    ‘அவர் எனக்கு அம்மா வழியில் உறவு’

  • 3

    (கட்டடம், பேருந்து போன்றவற்றில்) இறங்க, ஏற, உள்ளே சென்று வர, நடக்கப் பயன்படுத்தும் திறப்பு/(காற்று, வெளிச்சம் போன்றவை) வர அமைக்கப்பட்டிருக்கும் சிறிய திறப்பு.

    ‘பேருந்தில் இறங்கும் வழி முன்பக்கம் உள்ளது’
    ‘திரையரங்கத்தினுள் ‘வெளியே செல்லும் வழி’ என்று ஒரு கதவில் எழுதியிருந்தது’
    ‘ஜன்னலின் வழியாகக் குளிர்ந்த காற்று உள்ளே வந்தது’

  • 4

    (ஒருவர்) செயல்படும் முறை; போக்கு.

    ‘நீ உன் வழியில் போய்க்கொள், என்னை ஒன்றும் கேட்காதே’

  • 5

    (பிரச்சினையைத் தீர்க்க அல்லது திட்டத்தை நிறைவேற்ற உதவும்) தீர்வு; உபாயம்.

    ‘உடனடியாக ஆயிரம் ரூபாய் வேண்டும், அதற்கு ஒரு வழி சொல்’
    ‘இந்தப் பிரச்சினையை எப்படித் தீர்ப்பது? ஒரு வழியும் புலப்படவில்லையே!’
    ‘என் பையனுக்கு இதுவரை எந்த வேலையும் கிடைக்கவில்லை. நீங்கள்தான் அவனுக்கு ஏதாவது வழி பண்ண வேண்டும்’