வாடை-க்காக தமிழ்

இல் உள்ள முக்கிய விளக்கங்கள் : வாடை1வாடை2

வாடை1

பெயர்ச்சொல்

  • 1

    (வடக்கிலிருந்து வீசும்) குளிர்காற்று.

    ‘வெளியே வாடை தாங்காமல் உள்ளே வந்து படுத்துக்கொண்டான்’
    ‘ஆளை நடுங்கவைக்கும் வாடை’
    ‘வாடைக் காற்று வீசுவதால் எங்கோ மழை பெய்கிறது என்று நினைக்கிறேன்’

  • 2

    (பெரும்பாலும்) மனத்துக்குப் பிடிக்காத, அருவருப்பூட்டும் வாசனை.

    ‘விளக்குத் திரி தீய்ந்த வாடை அடிக்கிறது’
    ‘மூடிக்கிடந்த அறைக்குள்ளிருந்து பிணவாடை அடித்ததால் காவலர்களை வரவழைத்தனர்’
    ‘பக்கத்தில் உட்கார்ந்திருந்தவரிடமிருந்து சாராய வாடை’

  • 3

    குறிப்பிட்ட தன்மையை வெளிக்காட்டும் அடையாளம்.

    ‘அரசியல் வாடை கலந்த கதை’
    ‘மனித வாடையற்ற தீவு’
    ‘அவர் தமிழராக இருந்தாலும் பெரும்பாலும் வெளிநாடுகளில் வேலை பார்த்ததால் அவர் பேச்சில் ஆங்கில வாடை வீசும்’

வாடை-க்காக தமிழ்

இல் உள்ள முக்கிய விளக்கங்கள் : வாடை1வாடை2

வாடை2

பெயர்ச்சொல்

வட்டார வழக்கு
  • 1

    வட்டார வழக்கு (தெருவின்) இரண்டு பக்கங்களில் ஒன்று.

    ‘இதே வாடையில் சென்றால் கடைசியில் கோயில் வரும்’
    ‘எதிர் வாடையில்தான் என் வீடு இருக்கிறது’