தமிழ் விட்டுப்போ யின் அர்த்தம்

விட்டுப்போ

வினைச்சொல்

  • 1

    (பிடிப்பு, இணைப்பு) உடைந்து பிரிதல்; தனித்தனியாகப் போதல்.

    ‘சங்கிலியில் ஒரு கண்ணி விட்டுப்போனதால் சரிசெய்யக் கொடுத்திருக்கிறாள்’
    ‘சட்டையில் தையல் விட்டுப்போய்விட்டது’

  • 2

    (உறவு, தொடர்பு, பற்று போன்றவை) தொடராமல் போதல்.

    ‘இரு குடும்பங்களுக்கு இடையே உறவு விட்டுப்போய் வெகு நாளாகிறது’
    ‘என் சகோதரர்கள் மேல் இருந்த பாசம் விட்டுப்போய் ரொம்ப நாளாகிறது’

  • 3

    விடுபடுதல்.

    ‘இந்தப் பக்கத்தில் ஒரு வரி விட்டுப்போயிருக்கிறது’
    ‘நான்கு நாள் கணக்கு எழுதாமல் விட்டுப்போயிருக்கிறது’
    ‘விட்டுப்போன மளிகைச் சாமான்களை எழுதிக்கொள்’