தமிழ் வெளு யின் அர்த்தம்

வெளு

வினைச்சொல்

  • 1

    (துணிகளை அழுக்கு நீக்கி) சுத்தப்படுத்துதல்; வெண்மையாக்குதல்.

    ‘துணியை வெளுக்கப் போட வேண்டும்’

  • 2

    (பயம், நோய் போன்றவற்றால்) வெளிறுதல்.

    ‘பயத்தில் அவர் முகம் வெளுத்தது’
    ‘பிரசவத்திற்குப் பின் அவள் உடல் வெளுத்துவிட்டது’

  • 3

    (கருப்பாகவோ மாநிறமாகவோ இருக்கும் ஒருவர்) வெளிர் நிறத்தைப் பெறுதல்.

    ‘நான் பத்து வருடத்திற்கு முன் பார்த்ததைவிட அவன் இப்போது நன்றாக வெளுத்திருக்கிறான்’

  • 4

    (இருள் அகன்று) வெளிச்சமாதல்.

    ‘கிழக்கு வெளுத்துவிட்டது’
    ‘மழை நின்று வானம்வெளுக்க ஆரம்பித்தது’
    ‘வானம் வெளுத்து சூரியன் தெரிய ஆரம்பித்தது’

  • 5

    (தலைமுடி) நரைத்தல்.

    ‘தலையெல்லாம் வெளுத்துத் தோல் சுருக்கம் கண்ட பின்பும் அவருடைய கம்பீரம் குறையவில்லை’