(நூல் முதலியன) அச்சிடுவதற்கான (பெரும்பாலும் உலோகத்தால் செய்த) எழுத்து, எண் முதலியன.

அச்சிடுதல்.

அச்சிடப்பட்ட வடிவம்/அச்சிடப்பட்ட முறை.

(‘அச்சில்’ என்ற வடிவம் மட்டும்) அச்சிடப்படும் நிலை/அச்சிடப்பட்டு விற்பனைக்குக் கிடைக்கும் நிலை.

(பொருள்களை ஒன்றுபோல் தயாரிப்பதற்கான) வார்ப்படம்.

தோற்றத்தில் ஒத்த தன்மை; சாயல்.

குழல் போன்ற பகுதியின் அடியில் பொருந்தக்கூடிய துளையிட்ட தகட்டை உடையதும் அந்தப் பகுதியினுள் அடைத்த மாவை ஒரே சீராகப் பிழிவதற்குக் கட்டையை அல்லது உலோகத் தண்டை உடையதுமான சாதனம்/அந்தச் சாதனத்தின் அடியில் பொருத்தும், துளையிட்ட வட்ட வடிவத் தகடு.

வாகனத்தின் இரு சக்கரங்களின் மையத்தில் செல்லும் இரும்புத் தண்டு.

(தறியில்) பாவு செல்வதற்கு மட்டும் இடைவெளி கொண்டதாக அமைக்கப்பட்ட, மெல்லிய கம்பிகளின் நெருக்கமான தொகுப்பு.

கணிதம்
வரைபடத்தில் கிடைமட்டமாகவோ செங்குத்தாகவோ இருக்கும் கோடு.

உருண்டை வடிவத்தில் இருக்கும் கோள் போன்றவற்றின் நடுவில் செல்வதாகக் கொள்ளப்படும் கற்பனைக்கோடு.

உயிரியல்
மலரின் மையமாகவும் அதனை இரண்டாகப் பிரிப்பதாகவும் கொள்ளப்படும் கற்பனைக் கோடு.