தமிழ் ஆழ்ந்த யின் அர்த்தம்

ஆழ்ந்த

பெயரடை

  • 1

    மனமார்ந்த.

    ‘இறந்தவரின் குடும்பத்துக்கு அவர் தன் ஆழ்ந்த வருத்தத்தைத் தெரிவித்தார்’

  • 2

    (கருத்து, அறிவு போன்றவை குறித்து வரும்போது) ஆழமான/(மூச்சு, அமைதி போன்றவை குறித்து வரும்போது) நீண்ட.

    ‘ஆழ்ந்த கருத்துகள்’
    ‘அரசியலில் அவருக்கு இருக்கும் ஆழ்ந்த அறிவை வெளிப்படுத்தும் விதமாக இருந்தது அவரது பேச்சு’
    ‘அவரிடமிருந்து ஆழ்ந்த பெருமூச்சு வெளிப்பட்டது’
    ‘ஆழ்ந்த அமைதி’

  • 3

    (தூக்கம், கற்பனை முதலியவற்றில்) தன்னை மறந்த.

    ‘நான் நேற்று உங்கள் வீட்டுக்கு வந்தபோது நீங்கள் ஆழ்ந்த உறக்கத்தில் இருந்தீர்கள்’
    ‘நான் வந்ததுகூடத் தெரியாமல் அப்படி என்ன ஆழ்ந்த யோசனை?’

  • 4

    (நிறத்தைக் குறிக்கும்போது) அடர்ந்த; செறிவான.

    ‘ஆழ்ந்த நீல நிறம்’