தமிழ் உறிஞ்சு யின் அர்த்தம்

உறிஞ்சு

வினைச்சொல்

  • 1

    (உதடுகளைக் குவித்தோ சிறு குழல் வழியாகவோ திரவத்தை) உள்ளிழுத்தல்; (மூக்கினால் மூக்குப்பொடி முதலியவற்றை) உள்ளிழுத்தல்.

    ‘பேசி முடித்துவிட்டுக் கோப்பையை எடுத்துத் தேநீரை உறிஞ்சினார்’
    ‘கன்றுக்குட்டி பசுவின் மடியை முட்டிப் பாலை உறிஞ்சிக் குடித்தது’
    ‘குழந்தையின் விசும்பலும் மூக்கு உறிஞ்சலும் கேட்டது’

  • 2

    (நிலம், வேர்கள் முதலியன நீரை) உள்ளிழுத்தல்; ஈர்த்தல்.

    ‘நிலத்தின் ஆழத்தில் இருக்கும் நீரை மரத்தின் வேர்கள் உறிஞ்சுகின்றன’
    ‘காய்ந்துகிடந்த தரை மழை நீரை உறிஞ்சிவிட்டது’

  • 3

    (நீர், மண் முதலியவற்றை இயந்திரம்) மேலிழுத்தல்.

    ‘மணல் மேட்டை அகற்ற மண்ணை உறிஞ்சி வெளியில் கொட்டும் இயந்திரம் வருகிறது’