எதிர்-க்காக தமிழ்

இல் உள்ள முக்கிய விளக்கங்கள் : எதிர்1எதிர்2எதிர்3

எதிர்1

வினைச்சொல்

  • 1

    (ஒருவரை, ஒரு போக்கை, ஒரு நிலையை) மறுத்து மாறான நிலையை மேற்கொள்ளுதல்.

    ‘பெண் விடுதலை என்பது ஆண்களை எதிர்ப்பது அன்று’
    ‘பெரும்பாலோர் எதிர்த்ததால் சட்டத் திருத்தம் கைவிடப்பட்டது’

  • 2

    (நோயை) தடுத்தல்.

    ‘காச நோயை எதிர்க்கக்கூடிய சக்தி அவன் உடம்பில் இல்லை’

எதிர்-க்காக தமிழ்

இல் உள்ள முக்கிய விளக்கங்கள் : எதிர்1எதிர்2எதிர்3

எதிர்2

பெயர்ச்சொல்

  • 1

    ஒன்றின் திசைக்கு முற்றிலும் மாறாக இருப்பது; நேர் முன்னால் இருப்பது; நேர் மறுபுறம்.

    ‘எதிர் வீடு’
    ‘நேர் எதிர்த் திசை’
    ‘எதிர் எதிராக இருவர் உட்கார்ந்து எழுதிக்கொண்டிருந்தார்கள்’

  • 2

    (சாட்சி, ஆதாரம், தகவல் போன்றவற்றில்) ஒன்றை மறுப்பது அல்லது சாதகம் அல்லாததாக இருப்பது.

    ‘தலைவருக்கு எதிராக விடுக்கப்பட்ட அறிக்கை’
    ‘நடைமுறைக்கு எதிரான சட்டம்’
    ‘குற்றவாளிக்கு எதிரான சாட்சிகளை அரசுத் தரப்பு வக்கீல் விசாரணை செய்தார்’
    ‘அமைச்சருக்கு எதிராக ஆதாரங்களைத் திரட்ட முயல்கிறார் அவர்’

  • 3

    (ஒன்றுக்கு அல்லது ஒருவருக்கு) எதிர்ப்பைக் காட்டுவது; மறுப்பாகச் செயல்படுவது.

    ‘அரசுக்கு எதிரான மாணவர் போராட்டம்’
    ‘அவர் வன்முறைக்கு எதிராகத் தொடர்ந்து எழுதியும் பேசியும் வருகிறார்’
    ‘கல்லூரி நிர்வாகத்திற்கு எதிரான கோஷங்கள்’

  • 4

    (தன்மை, அளவு, இயக்கம் முதலியவற்றில்) முற்றிலும் மாறுபடுவது.

    ‘புவியீர்ப்பு விசைக்கு எதிரான விசை’
    ‘நீ சொன்னதற்கு அப்படியே எதிராக அல்லவா அவன் இருக்கிறான்!’

  • 5

    (கொள்கை, சட்டம், விதி போன்றவற்றுக்கு) புறம்பானது; மாறுபாடானது.

    ‘நமது கட்சியின் கொள்கைக்கு எதிரான எதையும் நாம் அனுமதிக்க மாட்டோம்’
    ‘சட்டத்திற்கு எதிராக நாம் நடக்க முடியாது’
    ‘மதக் கலவரத்தைப் பற்றிச் சில பத்திரிகைகள் உண்மைக்கு எதிராக எழுதி வருகின்றன’

  • 6

    (நாணயங்களின் மதிப்பீட்டை ஒப்பிடும்போது) நிகரானது.

    ‘டாலருக்கு எதிரான இந்திய ரூபாயின் மதிப்பு இன்று குறைந்தது’

  • 7

    (ஒன்றை) தடுத்துச் செயல்படுவது; (நோய் போன்றவற்றை) தடுப்பது.

    ‘தீவிரவாதத்திற்கு எதிரான போர்’
    ‘காலராவுக்கு எதிரான தடுப்பூசி’
    ‘இரத்தத்தில் வெள்ளை அணுக்கள் கிருமிகளுக்கு எதிராகச் செயல்படுகின்றன’

  • 8

    இயற்பியல்
    (பெயரடையாக) (மின்சாரம் தொடர்பாக வரும்போது) எலெக்ட்ரான்களைக் கொண்டிருப்பது.

    ‘எதிர் மின்னோட்டம்’
    ‘எதிர் மின்னணு’

எதிர்-க்காக தமிழ்

இல் உள்ள முக்கிய விளக்கங்கள் : எதிர்1எதிர்2எதிர்3

எதிர்3

இடைச்சொல்

  • 1

    ஒரு வழக்கில் ‘வாதி’, ‘பிரதிவாதி’ என்ற இரண்டு பெயர்ச்சொற்களுக்கு இடையே ‘எதிராக’ என்ற பொருளைக் குறிக்கப் பயன்படுத்தும் இடைச்சொல்.

    ‘தீர்ப்பின் விவரம்: கோவிந்தன் எதிர் தமிழ்நாடு அரசு’

  • 2

    ஒரு போட்டியில் ‘எதிராக’ என்ற பொருளில் பயன்படுத்தும் இடைச்சொல்.

    ‘இந்தியா எதிர் இங்கிலாந்து’