எழுது -க்காக தமிழ்

இல் உள்ள முக்கிய விளக்கங்கள் : எழுது1எழுது2

எழுது1

வினைச்சொல்

  • 1

    (பேனா, பென்சில் முதலியவற்றைப் பயன்படுத்தி) மொழியின் குறியீடுகளை ஒரு பரப்பில் பதித்தல் அல்லது குறித்தல்.

    ‘குழந்தை ‘அ’ எழுதியிருப்பதைப் பார்!’
    ‘இந்தக் கல்வெட்டு தமிழ் பிராமியில் எழுதப்பட்டிருக்கிறது’
    ‘அந்தக் காலத்தில் விரலால் மணலில் எழுதிப் பயிற்சி செய்வார்கள்’

  • 2

    (தகவல், கடிதம் முதலியவற்றை) வரிவடிவத்தில் தருதல்.

    ‘நாளை ஒரு கடிதம் எழுத வேண்டும்’
    ‘கோப்பில் உன்னைப் பற்றி நன்றாக எழுதியிருக்கிறார்’
    ‘தனது குறையை எழுதிப் புகார்ப் பெட்டியில் போட்டான்’

  • 3

    (கதை, கட்டுரை, பாடல் முதலியன) இயற்றுதல்.

    ‘பின்நவீனத்துவத்தைப் பற்றி அவர் எழுதியிருக்கும் கட்டுரை இது’
    ‘நான் அடுத்ததாக ஒரு பேய்க்கதை எழுதப்போகிறேன்’
    ‘இது யார் எழுதிய நாடகம்?’

  • 4

    வரைதல்.

    ‘சிறுவன் அட்டையில் கிரீடம் எழுதித் தலையில் அணிந்துகொண்டான்’
    ‘இந்த ஓவியத்தில் இன்னும் கண் மட்டும்தான் எழுத வேண்டும்’
    ‘இராவணன் வேடம் ஏற்பவர் முகம் எழுதிக்கொண்டிருந்தார்’

  • 5

    (வர்ணம், மை முதலியன) தீட்டுதல்.

    ‘மை எழுதிய கண்’

  • 6

    (வரவு, செலவு முதலியவற்றை) குறித்தல்.

    ‘செலவுகளை யார் கணக்கில் எழுதுவது?’

  • 7

    (உயில், ஒப்பந்தம் போன்றவற்றை) ஏற்படுத்துதல்.

    ‘அவர் எழுதியுள்ள உயிலின்படி இந்தச் சொத்துகள் எல்லாம் ஒரு அனாதை ஆசிரமத்திற்குப் போய்விட்டன’
    ‘வீட்டை உனக்கு விற்கிறேன் என்று எழுதியா தந்திருக்கிறேன்?’

  • 8

    கடவுள் ஒருவருடைய விதியை அல்லது தலையெழுத்தை முடிவு செய்வதாக நம்புவதைக் குறிக்கும் சொல்.

    ‘எல்லாம் அவன் எழுதியபடிதான் நடக்கும் என்ற நம்பிக்கை’
    ‘‘கடவுள் எனக்கு என்ன எழுதியிருக்கிறாரோ தெரியவில்லை’ என்றான்’

  • 9

    (தேர்வில்) பங்குகொள்ளுதல்/(தேர்வில் கேள்விக்கு) எழுத்து வடிவில் பதில் தருதல்.

    ‘நேரம் முடிந்துவிட்டதால் ஒரு கேள்விக்குப் பதில் எழுத முடியவில்லை’
    ‘மஞ்சள்காமாலை வந்ததால் இந்த முறை நான் தேர்வு எழுதவில்லை’

  • 10

    (கணிப்பொறியில்) குறிப்பிட்ட கட்டளைநிரலுக்கான ஆணைகளை வரிசைப்படுத்தி உருவாக்குதல்.

    ‘அலுவலகக் கணக்குவழக்குகளை நிர்வகிக்கப் புதிதாக ஒரு கட்டளைநிரல் எழுதிக்கொண்டிருக்கிறார்’

எழுது -க்காக தமிழ்

இல் உள்ள முக்கிய விளக்கங்கள் : எழுது1எழுது2

எழுது2

வினைச்சொல்

இலங்கைத் தமிழ் வழக்கு
  • 1

    இலங்கைத் தமிழ் வழக்கு (திருமணத்தை) பதிவுசெய்தல்.

    ‘அவன் தாய் தகப்பனுக்குத் தெரியாமல் திருமணத்தை எழுதிவிட்டானாம்’