தமிழ் ஏல் யின் அர்த்தம்

ஏல்

வினைச்சொல்

  • 1

    ஒப்புக்கொள்ளுதல்; அங்கீகரித்தல்.

    ‘நீண்ட விவாதத்துக்குப் பிறகு திருத்தப்பட்ட அறிக்கையை மாநாடு ஏற்றது’
    ‘இது பொதுவாக எல்லோராலும் ஏற்றுக்கொள்ளப்பட்ட விதி’
    ‘கூட்டத்தில் உரை நிகழ்த்திய பிறகு மக்களின் வாழ்த்துகளைப் பிரதமர் ஏற்றார்’
    ‘அவரைச் சிறந்த எழுத்தாளர்களுள் ஒருவராக ஏற்கத் தடை இல்லை’

  • 2

    (பொறுப்பு, பதவி முதலியவற்றை அல்லது தண்டனையை) ஒப்புக்கொள்ளுதல்.

    ‘இன்று புதிய முதல்வர் பதவி ஏற்கிறார்’
    ‘கிடைக்கும் வேலையை ஏற்பது என்று அவள் தீர்மானித்துக்கொண்டாள்’
    ‘நீங்கள் தரும் தண்டனையை ஏற்கத் தயாராக இருக்கிறேன்’

  • 3

    (நாடகத்தில், திரைப்படத்தில் குறிப்பிட்ட பாத்திரத்தை) மேற்கொள்ளுதல்.

    ‘அவர் பல முறை முருகன் வேடம் ஏற்று நடித்திருக்கிறார்’
    ‘இராவணன் பாத்திரத்தை அவர் ஏற்க மறுத்தார்’

  • 4

    (விண்ணப்பம் முதலியவற்றை) பெறுதல்.

    ‘பூர்த்திசெய்யப்பட்ட விண்ணப்பங்களை ஏற்கும் கடைசித் தேதியும் முடிந்து விட்டது’

  • 5

    உறிஞ்சி உட்கொள்ளுதல்; கிரகித்தல்.

    ‘புதிய ரக நெல் சுமாராக உரம் ஏற்றுச் செழித்து வளரும் இயல்பு உடையது’
    ‘இந்தத் துணி சாயம் ஏற்காது’

  • 6

    இலக்கணம்
    (ஒரு சொல் இன்னொரு சொல்லை) சேர்த்துக்கொள்ளுதல்.

    ‘இரண்டாம் வேற்றுமை ஏற்ற பெயர்ச்சொற்களுக்குப் பின் ஒற்று மிகும்’
    ‘‘ஓடுதல்’ என்ற சொல் ‘-தல்’ விகுதி ஏற்ற தொழிற்பெயர் ஆகும்’
    ‘வினைச்சொல் வினையடை ஏற்கும்’