தமிழ் சமாதானம் யின் அர்த்தம்

சமாதானம்

பெயர்ச்சொல்

  • 1

    (போர், சண்டை, வழக்கு, பிரச்சினை முதலியவை தீர்க்கப்பட்டு ஏற்படும்) அமைதி.

    ‘உலகில் சமாதானம் நிலவ உலக நாடுகள் ஒத்துழைக்க வேண்டும்’
    ‘ஒருவருக்கொருவர் விட்டுக்கொடுக்காவிட்டால் சமாதானம் எப்படி ஏற்படும்?’

  • 2

    (கோபதாபம் நீங்கிய) இணக்கம்.

    ‘சண்டை வேண்டாம், சமாதானமாகப் போங்கள்’
    ‘சமாதானமாகப் பேசி அவரை அனுப்பிவைத்தேன்’

  • 3

    (ஏமாற்றம், அதிருப்தி, வருத்தம் முதலியவை நீங்குவதால் ஏற்படும்) மனநிறைவு; ஆறுதல்.

    ‘பொம்மை வாங்கிக்கொடுத்த பின்னும் குழந்தை சமாதானம் அடையவில்லை’
    ‘நான் கொடுத்து வைத்தது அவ்வளவுதான் என்று அவர் சமாதானம் அடைந்தார்’

  • 4

    நியாயப்படுத்தும் வகையில் தரப்படும் விளக்கம்; காரணம்.

    ‘தாமதமாக அலுவலகத்திற்கு வந்துவிட்டு ஏதாவது சமாதானம் சொல்லாதீர்கள்!’
    ‘‘இது உங்களுக்கு எதிராக எடுக்கப்பட்ட நடவடிக்கை அல்ல’ என்று சமாதானம் கூறப்பட்டது’