சீர் -க்காக தமிழ்

இல் உள்ள முக்கிய விளக்கங்கள் : சீர்1சீர்2சீர்3

சீர்1

பெயர்ச்சொல்

  • 1

    (பல்வேறு காலங்களில் அல்லது நிலைகளில் தொடரும்போது) வேறுபாடு இல்லாதது; (ஒரே) அளவாக இருப்பது.

    ‘நகர வளர்ச்சி சீரற்ற முறையில் போய்க்கொண்டிருக்கிறது’
    ‘எந்தச் சிக்கலும் இல்லாமல் வாழ்க்கை சீராக ஓடிக்கொண்டிருக்கிறது’
    ‘நாடு முழுவதும் ஒரே சீரான விற்பனை வரி வசூலிக்கப்பட வேண்டும்’

  • 2

    இயல்பான தன்மை; ஒழுங்கு.

    ‘சீராகப் போய்க்கொண்டிருந்த பேருந்து மக்கர் செய்ய ஆரம்பித்தது’
    ‘மருத்துவப் பரிசோதனையில் அவன் இதயம் சீராக இயங்கவில்லை என்று தெரியவந்தது’

  • 3

    (பங்கீடு, வருவாய் முதலியவற்றைக் குறிக்கும்போது) சமம்.

    ‘இனிப்புகளைச் சீராகப் பங்கிட்டுக் கொடுத்தேன்’
    ‘உணவுப் பொருள்களின் சீரான வினியோகத்துக்கு அரசு உத்தரவாதம் அளிக்க வேண்டும்’

  • 4

    (ஒன்றைச் செய்வதில் உள்ள) நேர்த்தி; அழகு.

    ‘பொருள்களை அவன் எடுத்து வைத்த சீரைப் பார்த்ததும் வேலை பழகியவன் என்பது தெரிந்துவிட்டது’

சீர் -க்காக தமிழ்

இல் உள்ள முக்கிய விளக்கங்கள் : சீர்1சீர்2சீர்3

சீர்2

பெயர்ச்சொல்

  • 1

    திருமணத்தின்போது அல்லது விசேஷ நாட்களில் மகள், சகோதரி போன்றோருக்குக் கொடுக்கும் பொருள்; சீதனம்.

    ‘அவர்களுக்கு ஒரே பெண் என்பதால் ஏகப்பட்ட சீர் செய்திருக்கிறார்கள்’

சீர் -க்காக தமிழ்

இல் உள்ள முக்கிய விளக்கங்கள் : சீர்1சீர்2சீர்3

சீர்3

பெயர்ச்சொல்

இலக்கணம்
  • 1

    இலக்கணம்
    அசைகள் ஒன்றுசேர்ந்த செய்யுளின் உறுப்பு.

    ‘அறுசீர் விருத்தம்’
    ‘இந்த வெண்பாவைச் சீர் பிரித்து எழுதுக’