தமிழ் சுத்தம் யின் அர்த்தம்

சுத்தம்

பெயர்ச்சொல்

  • 1

    அழுக்கு இல்லாத அல்லது நீங்கிய நிலை; தூய்மை.

    ‘அவன் குளித்துவிட்டுச் சுத்தமான ஆடைகளை அணிந்துகொண்டான்’
    ‘சுத்தமான ஊற்றுத் தண்ணீர்’
    ‘வேலை செய்யும் இடத்தைச் சுத்தமாக வைத்துக்கொள்ள வேண்டும்’

  • 2

    (மனம், எண்ணம், நடத்தை ஆகியவற்றைக் குறிக்கும்போது) கள்ளங்கபடம், தீய எண்ணங்கள் முதலியவை இல்லாத நிலை.

    ‘மனம் சுத்தமாக இருந்தால் வாழ்க்கை சுகமாக அமையும்’
    ‘தியானம் மனத்தைச் சுத்தமாக வைத்துக்கொள்ள உதவும்’

  • 3

    (ஆட்சி, நிர்வாகம் ஆகியவற்றைக் குறிக்கும்போது) முறைகேடற்ற நிலை; ஒழுக்கம்.

    ‘பத்து ஆண்டுகளுக்கு முன்புவரை நிர்வாகம் சுத்தமாகத்தான் இருந்தது’

  • 4

    (வேலையைக் குறிப்பிடும்போது) குறையில்லாத நிலை; ஒழுங்கு; நேர்த்தி.

    ‘உனக்கு வேலையில் சுத்தம் போதாது’
    ‘செய்கிறதைச் சுத்தமாகச் செய்ய வேண்டாமா?’

  • 5

    (செயலின் அடிப்படையான தன்மையை விட்டு) பிசகாத நிலை.

    ‘இலக்கணச் சுத்தமான கட்டுரைதான். ஆனால் கருத்தாழம் இல்லை’
    ‘சுருதி சுத்தமான பாட்டு’

  • 6

    (உயர்ந்த தரத்தைக் குறிக்கும்போது) கலப்படமற்றது.

    ‘சுத்தத் தங்கம்’
    ‘சுத்தமான நெய்யினால் செய்த பண்டங்கள்’