சுழி-க்காக தமிழ்

இல் உள்ள முக்கிய விளக்கங்கள் : சுழி1சுழி2

சுழி1

வினைச்சொல்

  • 1

    (குறிப்பிட்ட எழுத்துகளில்) வட்டமான குறி போடுதல்.

    ‘‘கி’ என்பதைச் சுழித்தால் ‘கீ’ என்று ஆகும்’

  • 2

    (மாடு, நாய் போன்றவை வாலை) சுருட்டுதல்.

    ‘மாடு வாலைச் சுழித்துக்கொண்டு ஓடியது’

  • 3

    (ஆசிரியர் ஒரு மாணவனது விடைத்தாளில் விடைகளுக்கு) பூஜ்யத்தை மதிப்பெண்ணாகத் தருதல்.

    ‘இப்படித் தப்புதப்பாகப் பதில் எழுதினால் ஆசிரியர் சுழிக்காமல் என்ன செய்வார்?’

  • 4

    (ஒருவர் தனது அதிருப்தி, வெறுப்பு, முதலியவற்றை வெளிப்படுத்தும் வகையில் முகத்தை, உதட்டை) சுருக்குதல்; கோணலாக்குதல்.

    ‘‘இது வேண்டாத செலவு’ என்று முகத்தைச் சுழித்தான்’
    ‘நான் கொடுத்த கவிதையைப் படித்து விட்டு நண்பர் உதட்டைச் சுழித்தார்’

  • 5

    (நீரின் ஓட்டத்தைக் குறிக்கும்போது) சிறுசிறு சுழல்களை ஏற்படுத்துதல்.

    ‘ஆறு நுங்கும்நுரையுமாகச் சுழித்துக்கொண்டு ஓடியது’

சுழி-க்காக தமிழ்

இல் உள்ள முக்கிய விளக்கங்கள் : சுழி1சுழி2

சுழி2

பெயர்ச்சொல்

  • 1

    (தமிழ் எழுத்துகளை வரிவடிவத்தில் எழுதும்போது) வட்ட வடிவில் காணப்படும் வளைவு.

    ‘‘ன்’ என்ற எழுத்தில் இரண்டு சுழிகள் உள்ளன’
    ‘‘ே’ என்னும் துணை எழுத்தை இரட்டைச் சுழிக் கொம்பு என்பார்கள்’

  • 2

    பூஜ்யம்.

    ‘ஒன்று என்னும் எண்ணை எழுதிப் பக்கத்தில் ஒரு சுழி போட்டால் பத்து, இரண்டு சுழி போட்டால் நூறு’

  • 3

    சுழல்.

    ‘நீந்தச் சென்ற சிறுவன் சுழிக்குள் அகப்பட்டுக்கொண்டான்’

  • 4

    (ஒருவரின் தலையில் அல்லது மாடு, குதிரை ஆகிய விலங்குகளின் உடலில்) நீர்ச்சுழல் போன்று மயிர் ஒதுங்கி இருத்தல்.

    ‘அந்த மாட்டுக்குச் சுழி சரியில்லை’

  • 5

    பேச்சு வழக்கு தலையெழுத்து; தலைவிதி.

    ‘அவனுக்குச் சுழி எப்படி இருக்கிறதோ, யாருக்குத் தெரியும்?’