தங்கு -க்காக தமிழ்

இல் உள்ள முக்கிய விளக்கங்கள் : தங்கு1தீங்கு2

தங்கு1

வினைச்சொல்

  • 1

    (குறிப்பிட்ட நோக்கத்துக்காக ஓர் இடத்தில்) குறிப்பிட்ட காலம்வரை இருத்தல்; வசித்தல்.

    ‘இன்னும் எத்தனை நாள் இந்த ஊரில் தங்குவீர்கள்?’
    ‘விடுதியில் தங்கிப் படிக்கிறாயா?’
    ‘படிப்பிற்காக வெளிநாடு சென்றவர் அங்கேயே நிரந்தரமாகத் தங்கிவிட்டார்’
    உரு வழக்கு ‘நீ சொன்ன விஷயம் என் நினைவில் தங்கவில்லை’

  • 2

    (திரவங்களின் அடியில் ஒன்று) படிதல்.

    ‘காப்பியை நன்றாகக் கலக்காததால் சர்க்கரை தம்ளரின் அடியில் தங்கியிருக்கிறது’

  • 3

    எஞ்சுதல்.

    ‘எல்லாச் சாமான்களையும் விற்ற பிறகு இது மட்டும் தங்கிவிட்டது’

  • 4

    தேங்குதல்.

    ‘கழுவிவிட்ட நீர் வாசலிலேயே தங்கிவிட்டது’
    ‘அவன் மட்டும் எட்டாம் வகுப்பில் இரண்டு வருடங்கள் தங்கிவிட்டான்’

  • 5

    (பெரும்பாலும் எதிர்மறையில் அல்லது எதிர்மறைத் தொனியில்) (ஒருவர் ஒரு வேலையில் அல்லது ஒருவரிடம் பணம் முதலியன) நிலைத்தல்.

    ‘எந்த வேலையிலும் தங்க மாட்டேன் என்கிறான்’
    ‘எவ்வளவு சம்பாதித்தாலும் பணம் கையில் தங்குவதே இல்லை’

  • 6

    பேச்சு வழக்கு (ஒரு பெண் கருவுற்று சிசு) கருப்பையில் கர்ப்ப காலம் முழுவதும் இருத்தல்.

    ‘இந்தத் தடவையும் அவளுக்குக் குழந்தை தங்கவில்லையா?’

தங்கு -க்காக தமிழ்

இல் உள்ள முக்கிய விளக்கங்கள் : தங்கு1தீங்கு2

தீங்கு2

பெயர்ச்சொல்

  • 1

    (ஒருவருக்கு அல்லது ஒன்றுக்கு) கெடுதல் விளைவிக்கக்கூடியது; தீமை; கேடு.

    ‘அவர் எறும்புக்குக்கூடத் தீங்கு செய்ய மாட்டார்’
    ‘தீங்கு விளைவிக்கக்கூடிய மருந்துகளை அரசு தடைசெய்ய வேண்டும்’