தள்ளு-க்காக தமிழ்

இல் உள்ள முக்கிய விளக்கங்கள் : தள்ளு1தள்ளு2தள்ளு3

தள்ளு1

வினைச்சொல்

  • 1

    (ஒருவரை அல்லது ஒன்றை) ஒரு திசையில் விசையுடன் முன்னோக்கிச் செல்லுமாறு செய்தல்/(கீழே) விழுமாறு செய்தல்.

    ‘நாற்காலியைப் பின்னுக்குத் தள்ளிவிட்டு எழுந்து நின்றான்’
    ‘கோபத்தில் பையனை அறையில் தள்ளிக் கதவைச் சாத்தினார்’
    ‘தன்மேல் சவாரி செய்தவனைக் குதிரை கீழே தள்ளிவிட்டது’

  • 2

    (உள்ளிருந்து) விசையுடன் வெளியேற்றப்படுதல்.

    ‘குதிரையின் வாயில் நுரை தள்ளியது’

  • 3

    (ஒரு நிர்ப்பந்தத்திற்கு) உள்ளாக்குதல்.

    ‘கடன் வாங்க வேண்டிய நிலைக்குத் தள்ளப்பட்டுவிட்டார்’

  • 4

    (பயனற்றது என்று) ஒதுக்குதல்.

    ‘வெளியிடத் தகுதியற்றது என்று இந்தக் கட்டுரையைத் தள்ளிவிட முடியாது’
    ‘இது நன்றாக இல்லை, அது நன்றாக இல்லை என்று தள்ளிக்கொண்டே போனால் ஒன்றையும் தேர்ந்தெடுக்க முடியாது’

  • 5

    பேச்சு வழக்கு (பணத்தை) லஞ்சமாகக் கொடுத்தல்.

    ‘இந்த அலுவலகத்தில் ஐம்பதோ நூறோ தள்ளினால்தான் காரியம் நடக்கும்’

  • 6

    (ஈடுபாடு இல்லாமல்) காலத்தைக் கழித்தல்.

    ‘தனிமையில் நாட்களைத் தள்ளிவருகிறேன்’
    ‘இந்த ஊரில் இருப்பதே எனக்குப் பிடிக்கவில்லை, ஏதோ காலத்தைத் தள்ளிக்கொண்டிருக்கிறேன்’

  • 7

    (நூலின் பக்கங்களை) புரட்டுதல்.

    ‘புத்தகத்தின் பக்கங்களைத் தள்ளிக்கொண்டே போனான்’

  • 8

    பேச்சு வழக்கு (வேலை, பொறுப்பு முதலியவற்றிலிருந்து ஒருவரை) நீக்குதல்.

    ‘தொடர்ந்து ஒரு வாரம் கடைக்குப் போகாததால் வேலையிலிருந்து தள்ளிவிட்டார்’

  • 9

    (குறிப்பிட்ட தொகையை) கழித்தல்.

    ‘நீ மிகவும் வற்புறுத்திக் கேட்டுக்கொண்டால் ஒருவேளை அவர் ஆயிரம் ரூபாய் தள்ளிக் கொடுக்கலாம்’

  • 10

    (ஏவல் வடிவங்களில் வரும்போது) பொருட்படுத்தாமல் விடுதல்.

    ‘செலவைத் தள்ளு; எவ்வளவு அலைச்சல்!’

  • 11

    இசைத்துறை
    விடுதல்.

    ‘இந்தப் பாட்டைக் கால் இடம் தள்ளி ஆரம்பித்தால் எடுப்பாக இருக்கும்’

தள்ளு-க்காக தமிழ்

இல் உள்ள முக்கிய விளக்கங்கள் : தள்ளு1தள்ளு2தள்ளு3

தள்ளு2

வினைச்சொல்

  • 1

    (முதுமையின் காரணமாக) இயல்பாகச் செயல்படுவதற்கு ஏற்ற உடல் வலிமை பெற்றிருத்தல்.

    ‘பெரியவர் பாவம் தள்ளாமல் கிடக்கிறார்’
    ‘இந்தத் தள்ளாத நிலையிலும் அவர் உழைத்துச் சாப்பிடுகிறார்’

தள்ளு-க்காக தமிழ்

இல் உள்ள முக்கிய விளக்கங்கள் : தள்ளு1தள்ளு2தள்ளு3

தள்ளு3

துணை வினை

  • 1

    முதன்மை வினை குறிப்பிடும் செயல் அளவுக்கு அதிகமாக நிகழ்வதைக் குறிக்கும் துணை வினை.

    ‘தரத்தைப் பற்றிக் கவலைப்படாமல் நூற்றுக்கணக்கில் கதை எழுதித் தள்ளிவிட்டார்’
    ‘அவர் வீடாக வாங்கித் தள்ளுகிறார்’

  • 2

    எதையும் பொருட்படுத்தாமல், எந்த விதத் தயக்கமுமின்றி ஒன்றை இல்லாமல் ஆக்குவதைக் குறிப்பிடும் துணை வினை.

    ‘எதற்கும் பயனில்லாத அந்த முள் மரத்தை வெட்டித்தள்ளு’
    ‘இந்தத் துரோகியைச் சுட்டுத்தள்ளினால் என்ன?’