தமிழ் பக்குவம் யின் அர்த்தம்

பக்குவம்

பெயர்ச்சொல்

  • 1

    (குறிப்பிட்ட உணவுக்கே உரிய) திட அல்லது திரவ நிலையோ சுவையோ அளவாக இருக்க வேண்டிய தன்மை.

    ‘சரியான பக்குவத்தில் இறக்காவிட்டால் பாகு இறுகிவிடும்’
    ‘அல்வாவில் எல்லாம் பக்குவமாக இருக்கிறது’

  • 2

    (தாவரங்களில் காய்த்தல், பூத்தல் முதலியவற்றுக்கான) பருவம்.

    ‘மாமரம் காய்க்கும் பக்குவத்தில் இருக்கிறது’
    ‘பயிர் பூக்கும் பக்குவத்துக்கு வந்துவிட்டது’

  • 3

    (ஒருவரின்) நிலை அறிந்து செயல்படும் தன்மை; (பிரச்சினை முதலியவற்றை) சமாளிக்கத் தேவையான முதிர்ச்சி; பாங்கு; (ஒன்றைச் செய்வதில்) நயம்.

    ‘அவர் கோபக்காரர்தான், இருந்தாலும் பக்குவமாக எடுத்துச் சொன்னால் புரிந்துகொள்வார்’
    ‘பக்குவமான வாசகர்கள் ஒரு நல்ல எழுத்தாளரிடம் மேலும்மேலும் அதிகமாக எதிர்பார்க்கிறார்கள்’