தமிழ் புதுப்பி யின் அர்த்தம்

புதுப்பி

வினைச்சொல்

  • 1

    (பழுதடைந்தது, பழைய பாணியில் இருப்பது, பலவீனமானது போன்றவற்றை) புதுப் பொலிவுடன் மாற்றி அமைத்தல்; புத்துயிர் அளித்தல்.

    ‘கிராமத்தில் உள்ள வீட்டைப் புதுப்பித்து அதில் குடியேறினார்’
    ‘நமது உடலிலுள்ள செல்கள் இடைவிடாது தம்மைப் புதுப்பித்துக்கொள்கின்றன’
    ‘தம்மைப் புதுப்பித்து வளர்த்துக்கொள்ளும் ஆற்றல் எலும்புகளுக்கு உண்டு’
    உரு வழக்கு ‘நீண்ட நாட்களுக்குப் பிறகு கடிதத்தின் மூலம் எங்களது தொடர்பைப் புதுப்பித்துக்கொண்டோம்’

  • 2

    (குறிப்பிட்ட கால எல்லையுடன் முடியும் வங்கிக் கணக்கு, உரிமம், சந்தா போன்றவற்றை அல்லது ஏற்கனவே செய்த ஒன்றை) மீண்டும் குறிப்பிட்ட காலத்திற்கு நீட்டித்தல்.

    ‘உன் ஓட்டுநர் உரிமத்தைப் புதுப்பித்துவிட்டாயா?’
    ‘இரண்டு நிறுவனங்களும் தங்கள் ஒப்பந்தத்தை மறுபடியும் புதுப்பித்துக்கொண்டன’