தமிழ் வளையம் யின் அர்த்தம்

வளையம்

பெயர்ச்சொல்

  • 1

    (உலோகம், இரப்பர் குழாய் போன்றவற்றை) வளைத்து வட்ட வடிவில் செய்யப்பட்டது.

    ‘இரும்பு வளையம்’
    ‘சாவி வளையம்’
    ‘தீப்பந்தம் வளையத்தின் உள்ளே ஒருவர் பாய்ந்து சாகசம் செய்யும் நிகழ்ச்சி நடைபெற்றது’
    உரு வழக்கு ‘தீவிரவாதிகளின் அச்சுறுத்தலைத் தொடர்ந்து பிரதமரைச் சுற்றிப் பாதுகாப்பு வளையம் பலப்படுத்தப்பட்டுள்ளது’

  • 2

    (புகை, ஒளி போன்றவற்றின் வடிவத்தைக் குறித்து வரும்போது) வட்டம்.

    ‘சிகரெட் புகையை வளையம்வளையமாக விட்டான்’
    ‘கண்ணாடிச் சில்லில் பட்டு ஒளி வளையம் கண்களைக் கூச வைத்தது’

  • 3

    (காது, மூக்கு முதலியவற்றில் அணியும்) வட்ட வடிவ ஆபரணம்.

    ‘ஆண்கள் காதில் வளையம் போட்டுக்கொள்வது இப்போதைய நாகரிகம்’

  • 4

    கல், தூசி போன்றவற்றால் ஆனதும் கோள்கள், நட்சத்திரங்கள் போன்றவற்றைச் சுற்றி வட்டமாக இருப்பதுமான பொருள்.

    ‘வியாழன், சனி போன்ற கோள்களைச் சுற்றிக் கணக்கற்ற வளையங்கள் இருக்கின்றன’