வாழ்-க்காக தமிழ்

இல் உள்ள முக்கிய விளக்கங்கள் : வாழ்1வாழ்2

வாழ்1

வினைச்சொல்

  • 1

    உயிருடன் இருந்து இயங்குதல்.

    ‘சில வகைக் கடல் ஆமைகள் இருநூறு ஆண்டுகள்வரை வாழ்கின்றன’
    ‘மனிதன் சராசரியாக நூறு ஆண்டுகள் வாழ முடியும்’
    ‘தவளை நிலத்திலும் நீரிலும் வாழக் கூடியது’

  • 2

    (குறிப்பிட்ட முறையில்) வாழ்க்கை நடத்துதல்.

    ‘இப்படி நாடோடிகளாக எவ்வளவு காலம் வாழ்வது?’
    ‘இப்படியே சாகும்வரை சந்தோஷமாக வாழ்ந்துவிட மாட்டோமா என்று நினைத்தார்’
    ‘இவர்கள் விறகு வெட்டிக் கிடைக்கும் வருமானத்தை வைத்து மட்டுமே வாழ்ந்துவருகிறார்கள்’

  • 3

    (ஓர் இடத்தில்) வசித்தல்.

    ‘அமெரிக்காவில் வாழும் தமிழர்கள் சிலர் கூட்டுசேர்ந்து இந்த மருத்துவமனையைக் கட்டுகிறார்கள்’
    ‘நடுத்தர மக்கள் அதிகமாக வாழும் நகரம்’

  • 4

    (கணவனைக் குறித்துவரும்போது மனைவியுடன் அல்லது மனைவியைக் குறித்து வரும்போது கணவனுடன்) சேர்ந்திருந்து குடும்பம் நடத்துதல்.

    ‘‘அந்தக் கொடுமைக்காரனுடன் வாழ்வதைவிட நான் தனியாகவே இருந்துவிடுகிறேன்’ என்றாள் என் அக்கா’
    ‘கட்டிய மனைவியோடு ஒழுங்காக வாழத் தெரியாமல் இப்போது புலம்பிக்கொண்டிருக்கிறான்’

  • 5

    பேச்சு வழக்கு (அஃறிணை ஒருமை முற்று வடிவம் மட்டும், எதிர்மறைத் தொனியில்) சிறப்பாக இருத்தல் அல்லது தேவைப்படுதல்.

    ‘உன் தம்பி வீட்டில் மட்டும் என்ன வாழ்கிறது. சோற்றுக்கே திண்டாட்டம்’
    ‘கையில் காசு இல்லை. பிறகு அலங்காரம் என்ன வாழ்கிறது?’

வாழ்-க்காக தமிழ்

இல் உள்ள முக்கிய விளக்கங்கள் : வாழ்1வாழ்2

வாழ்2

பெயரடை

  • 1

    (குறிப்பிட்ட இடத்தில் அல்லது பகுதியில்) வசிக்கும்.

    ‘அமெரிக்காவாழ் இந்தியர்’
    ‘இலங்கைவாழ் தமிழர்’
    ‘குடிசைவாழ் மக்கள்’